التعامل مع الشخصية الثرتارة

كيف تتعامل مع اللكاك واللتات والعجان..

الشخصية الثرثارة الرغاية...

بنقابل في حياتنا أنماط من الناس غريبة وعجيبة.

لما يفتح معاك اي موضوع..تلاقيه نازل لت وعجن ..

اللي بيقوله يعيده ومش ممكن يديلك فرصة للكلام او التعقيب..

وياريت كلامه مهم..لأ  كلامه مستهلك ومحفوظ..

وانت سبق ليك إنك سمعته منه قبل كده كتير جدا...

الشخص ده بيبقى فاضي من جواه كل اللي عنده ..

كلمتين جاهزين وبيكررهم في كل حوار مع شويه سبنس 

وتشويق زي الممثلين...

لو قابلت حد بالشكل ده...أنصحك تتعامل معاه بالأساليب التالية.

اولا. ماتدهوش الفرصة يمسك اطراف الحديث..

وتفضل تقنع نفسك إنك بتحسن الانصات له.  

لأنك كده بتديله فرصة عمره ..

وهيزيد في اللك والعجن واللت..ويعتبرك صيده سهله 

ثانيا.

لما تلاقي كلامه مش عاجبك..قوله بحسم وحزم كلامك ده ..

مش صحيح ..وممكن اثبتلك ده وابدا اسحب منه الكلام

ثالثا.

استخدم معاه الأسئلة المغلقة  مش المفتوحه..( اين،متى،كيف،

علشان تضمن إنك  تِمَشِيه في السِكْة اللي إنت عاوزها...

رابعا.

ياريت تلقي عليه سؤال انت شخصيا عارف إنه مش هيقدر ..

يرد عليه..في الوقت ده هيحس بالاحباط  ويحاول يلم نفسه.

وبالتالي تضمن إنه انشغل بنفسه وقلل اهتمامه بيك.🤣

خامسا.

احدث اساليب التعامل مع هذه الشخصية..

إنك وانت بتسمعه تقوله هيقول ايه...ويتصرف ازاي..

كأنك عاوز تقوله انا فاقسك🤣 

وجايب اخرك وياريت تقصر وتلم المتكسر

جرب..ومش هتخسر حاجه

فن التعامل مع الأنماط الشخصية 

ا.د. فتحي الشرقاوي

 أستاذ علم النفس بجامعة عين شمس