بقلم : دعاء محمود
لك سيدتي ..ندخل على المطبخ
دى حاجات استفدت منها بعد الجواز .👸👰👍
١- الحلل الصاج بتشيط اللبن جدا حتى لو نوع كويس.
٢- بخاخ ستريس حلو اوى للتنظيف بيلمع اى حاجه.
تحفه بجد عن تجربه للبوتجاز للاحواض للحلل الاستانلس
٣- الجوانتى ده اختراع هايل لاى حاجه.🌷
٤- مفارش الثلاجه مع الوقت بتبوظ الثلاجه والفريون وبتجيب مايه كمان بلاش منها لانها عملت معايا كده بعد ٥ سنين ومصدقتش الا لما عملت كده وده كلام مهندس الصيانه.🌷💖💖💖🔥🔥🔥
٥-الحلل الاستانلس لازم تهدى النار عليها عشان الاكل هيعمل ريحه لو النار عاليه.
٦-كيك شيف افضل من بيكنج بودر كتير.👌
٧- عجينه البيتزا عاوزة زبادى او لبن بودرة عشان تظبط
ومتبقاش ناشفه.وياريت 3معالق مايونيز
٨-هاتى زيت جوز هند خام والاصلى بيكون مجمد في الشتا سيحيه في مايه سخنه وامسحى بيه وشك بقطنه هيخليها حرير.✔
٩-لازم تعملى اسكراب لوشك مره فى الاسبوع على الاقل عشان الجلد الميت يروح.
١٠-هاتى راديو في المطبخ واظبطيه على اذاعه القران الكريم بيتك كله هيكون بركه.🔴
١١- مش عاوزة البصل يدمع العين حطيه في الثلاجة شويه.
١٢-حطى العيش في علبه ثلاجه في الفريزر عشان الرده بتسد الفتحات.
١٣-مسك الطهارة ده اختراع نظافه وريحه ملهمش حل.
١٤- حطى حصاله فوق ثلاجتك حطى فيها الفلوس الفكه وكل اسبوع طلعى منهم حاجه لله او هاتى حلويات وفرحى الاطفال.🤗😍😍😍😍😍😍😍😍😘😘
١٥-حاولى تلمى الغسيل وقت الظهريه تكون الشمس جت عليه لو لمتيه بليل ريحته مش هتبقى بحلاوة الظهر.
كفايه كده ونكمل في بوست تانى عشان ايدى وجعتنى 😍
ملحوظة كل الحاجات دى انا مجرباها شخصيا وحبيت افيدكم.....
تعليقات
إرسال تعليق